一 氣球

    好細個…五、六歲到應該係，我記得放左學我响街執左個氣球返屋企玩，非常非常普通嘅淺藍色汽球。咁我就响屋企拋下呢邊，掉下果邊咁喇。（題外話：細個果陣真係咁都可以玩一日。）

    話說，我阿媽間房個牆身頂就有隻天窗，我就自己自high响到玩投籃。由廳將個氣球掉上去，然後就跑入去阿媽間房，接返個波，又從天窗掉返出廳。

    來回咁跑呀跑。

    掉入去，跑。

    執返個波，掉返出黎，跑。

    玩到哈哈哈咁，流曬汗，好鬼過癮。

    如是者，跑呀跑，跑呀跑，跑呀跑…

    唔知幾多次後，我又全速跑進阿媽間房，今次，有個小朋友企左响阿媽張床到。拎住左我個淺藍色波波，望住岩岩响房門口想衝入黎嘅我。

    我望住佢，我好記得個細佬仔係著住吊帶褲既。

    我梗係喊啦，即刻衝去廚房阿媽到，攬住佢隻腳勁喊，話好驚，有個人企左係佢間房到。

    再重申，其實講出黎真係好蠢，之後我會再慢慢講點解，如果大家仲有興趣既話。

    暫時打住咁多先，岩睇既請高抬貴手推下我。

    

    



    本章完